Aktivizmi dhe ndikimi në komunitet

Edicioni i 37-të u mbajt më 16 dhjetor 2017 në sallën e konferencave të Orchide-së dhe i kushtohej aktivizmit dhe ndikimit të tij në komunitet.

Mrika Aliu, drejtore ekzekutive e fondacionit Aksioni për Nëna dhe Fëmijë (Action for Mothers and Children) që nga viti 2013, që zhvillon programe shëndetësore për nënat dhe fëmijët në Kosovë, ishte bursiste e programit TLP të USAID-it dhe ndiqte masterin në Shëndet Publik në Dartmouth College në SHBA. Foli për rolin e angazhimit komunitar në ndryshimet pozitive dhe si organizata u bë brenda katër vjetësh model i mobilizimit komunitar, i mbledhjes së fondeve dhe i ndryshimit sistemik në shëndetin e nënës dhe fëmijës.

Korab Krasniqi, menaxher projektesh në forumZFD (Programi në Kosovë) dhe aktivist për ballafaqimin me të kaluarën, kujtesën kolektive e historike dhe ndërtimin e paqes, ishte pjesë e shoqërisë civile që nga viti 2008. Me studime në psikologji dhe me masterin në shkenca politike në vazhdim, foli për format e aktivizmit në kujtesë dhe në ballafaqimin me të kaluarën, përmes projekteve të forumZFD-së të tri viteve të fundit, përfshirë hulumtimet për kujtesën e viteve '90 dhe kujtesën shoqërore të margjinalizuar.

Organizuar nga ekipa e të rinjve aktivistë të BarCamp Ferizaj, nën ombrellën e Iniciativa për Progres (INPO), me mbështetjen e IPKO Foundation.