Vullnetarizmi dhe aktivizmi rinor

Edicioni i 29-të, i pari i vitit 2017, u mbajt më 28 janar në sallën e konferencave të Orchide-së dhe i kushtohej vullnetarizmit dhe aktivizmit rinor.

Alma Gashi, nxënëse e Gjimnazit „Kuvendi i Arbërit” dhe vullnetare që nga mosha 12 vjeç, foli për idenë se askush nuk është shumë i vogël, shumë i vjetër apo shumë i zënë për të qenë vullnetar, dhe për mundësitë për rritje personale që i solli vullnetarizmi.

Erza Bislimi, bashkëorganizatore e BarCamp Ferizaj, foli për BarCamp-in si ide: si filloi dhe si është të organizosh vullnetarisht një aktivitet të tillë, për të bërë diçka të mirë në komunitet.

Erza Ajeti, nxënëse në Mehmet Akif College dhe pjesëmarrëse në shumë aktivitete vullnetare, që pas një trajnimi kishte fituar një praktikë në një medium kosovar, foli për rëndësinë e vullnetarizmit për individin dhe për shoqërinë dhe si mund të përfshihen të rinjtë e tjerë.

Organizuar nga ekipa e të rinjve aktivistë të BarCamp Ferizaj, nën ombrellën e Iniciativa për Progres (INPO), me mbështetjen e IPKO Foundation.