Arti në shumë forma

Edicioni i 12-të u mbajt më 22 nëntor 2014 në Teatrin Profesional „Adriana Abdullahu” në Ferizaj dhe i kushtohej artit në format e tij të ndryshme: arkitekturës, filmit dokumentar dhe një biznesi që lindi nga një hobi.

Fatos Shabani, arkitekt, hapi edicionin me arkitekturën e sotme dhe lidhjen e saj me artin, duke u ndalur te projektet e tij arkitekturore për trashëgiminë kulturore në Kosovë.

Fatlum Haziri, regjisor filmi, foli për dokumentarin „Kosovarja Këndon”, kushtuar një festivali mbi 40-vjeçar që pati rol të madh në emancipimin e grave. Tregoi çfarë sjell ky dokumentar nga ana regjisoriale.

Artin Bucaliu, një nga themeluesit e një kompanie lokale që shiste byzylykë, mbylli edicionin me idenë e hapjes së këtij biznesi: si e kthen një hobi të vjetër në profesion dhe si është të kesh një biznes të tillë.

Organizuar nga ekipi i ri i BarCamp Ferizaj, me mbështetjen e IPKO Foundation.