Sipërmarrës nga Ferizaji

Edicioni i tretë u mbajt më 19 nëntor 2013 në sallën e konferencave të Orchide-së, në kuadër të Javës Globale të Sipërmarrësisë, me aktivitete në gjithë Kosovën. Tre sipërmarrës nga Ferizaji treguan sfidat dhe sukseset e kompanive të tyre.

Astrit Grainca, drejtor i Architect's Line Group, tregoi si disa të rinj nga Ferizaji themeluan një kompani arkitekture dhe cilat ishin sfidat e fillimit dhe të rritjes së saj. Prezantoi disa nga projektet e kryera deri atëherë dhe planet e kompanisë për të ardhmen.

Enver Haliti, drejtor i fabrikës MECATYP-KS, foli për fabrikën që prodhon pjesë mekanike me precizion të lartë me makina CNC dhe që punon vetëm për tregun ndërkombëtar, sidomos atë zviceran. Tregoi si u krijua fabrika, si funksionon dhe me çfarë sfidash përballet.

Flakërim Ismani, drejtor i kompanisë teknologjike UrbanWay, foli për fillesat e UrbanWay-t, për sfidat e një kompanie të këtij lloji dhe për disa nga projektet e saj.

Organizuar nga të rinj aktivistë nga Ferizaji, me mbështetjen e IPKO Foundation.