Puna si freelancer, parashutizmi dhe radioja

Edicioni i dhjetë u mbajt më 30 qershor 2014 në katin e dytë të Orchide-së, në ish-kafenenë e restorantit. U fol për punën si freelancer, për parashutizmin dhe për gazetarinë në radio.

Vegim Rexhepi, freelancer i teknologjisë nga Ferizaji, tregoi si të punosh nga shtëpia dhe të fitosh para, si të futesh në komunitetet e freelancerëve dhe cilat janë përfitimet e kësaj mënyre pune.

Mexhide Topalli-Mjaku, një nga femrat e para parashutiste në Kosovë, tregoi si e nisi karrierën si parashutiste dhe përvojat e ndryshme gjatë saj.

Driton Ramadani, drejtor i Radio Ferizajt, foli për fillimet e tij si gazetar radioje para luftës, për dallimet e gazetarisë në radio para dhe pas luftës dhe për përvojat e tij në këtë profesion.

Organizuar nga ekipi i BarCamp Ferizaj, me mbështetjen e IPKO Foundation.